Bläck Fööss: Kradechor

Bläck Fööss - www.blaeckfoeoess.de

Liedtext

Hööt m'r Quetsch un decke Trumme brumme
hät dat Leid vum Johr e Engk jefunge,
föhlen uns drei Dach su stark wie Bäre,
janz jenau su wie die feine Häre.

Fastelovend es jetz do, öm die Zick wie jedes Johr
un dojäjen kann sich keiner wehre - la la la la la l a l a
jo, dojäjen kann sich keiner wehre.

Lappemänncher dun em Kreis römspringe
un beim Danze jecke Leeder singe
met de Mädcher durch de Strosse jöcke
zweschendurch et nächste Fläschje köppe.

Alle Mädcher maache met
wemmer se bloß richtich dröck,
un dann föhls de wie die Hätzjer höppe - la la la ...
jo, dann föhls de wie die Hätzjer höppe.

Refrain: Alle Krade dieser Welt vun Peking bes noh Ihrefeld
alle Krade lade mer en, kutt zo uns he ahn d'r Rhing.

Wemmer irjendwo ne Schutzmann finge,
darf dä Kääl e Leedche met uns singe,
fangen dann die Mädcher ahn ze bütze
kann ihm och de schönste Mötz nix nötze.
Dä Jung, dä hät de Mötz bloß ahn,
domet m'r se ihm klaue kann,
un dobei, do jeit ihm eine flitze - la la la ...
Jo dobei, do jeit ihm eine flitze.

Refrain: Alle Krade ...
Solo:
Refrain: Alle Krade ...

En jeder Weetschaff dummer einer nemme,
bes mer diensdachsovends nit mih künne,
en d'r Naach dann muss d'r Nubbel brenne
un et janze Veedel es am flenne.
Saecularum saeculo
Äschermettwoch es bal do,
un dann es dat Engk vum Leed jekumme. - la la la la ...
Jo, dann es dat Engk vum Leed jekumme.

2 x Refrain: Alle Krade ...

Kostenlose Noten

Kostenloser Songtext als PDF

Kostenlose Noten können aus urheberrechtlichen Gründen nicht zur Verfügung gestellt werden.

Bei Amazon bestellen: Bläck Fööss XXL: 201 Bläck-Fööss-Hits mit allen Texten & Akkorden (beiliegende Akkordtabelle)

Melodie

Mp3 bei Amazon kaufen: Kradechor

Hinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.