Chrestian, do bes ne feine Mann

Stimmungs- und Karnevalslied, Text und Musik: Willi Ostermann.

Liedtext

1. Wat sich dä Schmitze Chreß gemaht,
dat eß jo rein zo doll,
dä läuf eröm, et eß en Staat,
die ganze Stadt eß voll.
Hä trick am Dag sich zweimol öm,
Kamasche, weiß wie Schnee,
die hange öm de Föß eröm,
hä hät de Täsch voll 'he'.
Sing Ahnzög sin vum 'Pins & Co.',
hä dräht nix vun de Stang,
Zigare zwanzig Mark et Stöck,
die rauch' der Chreß ald lang.
Ich weiß nit, wie dä Kähl dat mäht
un weil op singer Aat.
Hä immer stats eß wie e Pähd,
han ich im letz gesaht:

Refrain:
Chrestian, du beß ne feine Mann.
Du häß Talent, do beß 'ne 'Gent',
du häß jet öm un ahn!
Chrestian du küß su fein eran.
Sag, unger uns gesaht,
du muß doch Millionen han!
Chrestian, et geiht mich ga nix ahn,
doch sag' ens ahn, du halven Hahn,
wie küß du bloß do dran?
Chrestian, du beß 'ne feine Mann,
du beß dä Mann, dä sich jet leiste kann!

2. Dä 'schöne Lehmann' seiner Zeit,
wenn dä vum Dud op stünd,
dä wör doch gäge unse Chreß
et reinste Weisekind.
Em Knoploch fählt et Blömche nie,
och dräht hä nur Glace,
för jedes Mädche deiht hä av
d'r Hot beß ahn de Knee.
Fröh'r maht hä met d'r Wohzelböhsch
sich Näl un Finger rein,
hück muß hä zweimol en d'r Woch
zum Maniküren sein.
Su geiht dat schon die ganze Zick,
et Geld wäht ga nit all,
ich weiß et rofe bahl die Lück wie ich,
op jeden Fall! - Refrain-

Die kölsche Sproch eß ordinär,
die sprich d'r Chreß nit mie.
Hä küt sich vör hück wie 'nen Här
der Aristokratie,
un küt hä en en Bar eren,
dat Publikum et jauchz,
denn jedesmol bestellt d'r Chreß
en 'Schateau Margaux':
Ein bischen schnell, sie Flabes,
sie 'tuts witt' do stieve Penn.
Dä Kellner lach, un denk sing Deil
un strich et Trinkgeld en.
Die Schrammelmusik weiß Bescheid,
kein Wunsch bleibt unerfüllt,
d'r Chreß am mihzte gevve deiht,
wenn alles singt und spillt: -Refrain-

Kostenlose Noten

Quelle: Willi Ostermann - www.willi-ostermann.koeln - web.archive.org

Notenblatt Gesang und Piano

Ausdrucken oder Speichern im Frame möglich. Bei langsamen Internetverbindungen kann die Anzeige der Datei etwas dauern, da der Inhalt des Frames von einer externen Seite eingebunden wird.

Karnevals- und Stimmungslieder C Lieder in Mundart B C

Hinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.

Die Aufführungsrechte werden allein durch das Urheberrecht geregelt, sie können nicht aus der Veröffentlichung im Archiv abgeleitet werden. Sofern auf bestehende Notenblätter und Partituren externer Seiten verlinkt oder diese eingebunden wurden, ist jeweils die Quelle angegeben und es wird gebeten, sich dort über die Nutzungsbestimmungen der Rechtsinhaber zu informieren.

Manche der älteren Lieder enthalten Wörter und Darstellungen, die in der heutigen Zeit als beleidigend oder rassistisch gelten. Die Liederkiste unterstützt diese Ausdrücke nicht, möchte jedoch das Liedgut im Orginal bewahren, Dokumente einer Zeit mit anderen Einstellungen, Perspektiven und Überzeugungen.