Lieder mit Text, Melodie und Noten

En Woch op Mallorca met Halbpension.
Betriebsausfluch Lüsgen, Kranz & Sohn.
Dä Hoot op, die Brell aan und ab aan dä Strand.
Am Ballermann han se uns ´treck widdererkannt.
Pesetas jetuusch un die Fläsche op.
Dat Jedudels eraf un d´r Ostermann drop.
Buena notte Charlotte, Mallorca si si,
dat es uns Erholung, wat bruche mer mih.

Buenos días, Matthias, mer sin widder do.
Am Strand von Mallorca wie jedes Johr.
Met alle Mann am Ballermann.
Nur amore un Sonnesching un kei Bett jesinn.
Met alle Mann am Ballermann.
Nur amore un Sonnesching un kei Bett jesinn.

Ovends jejesse et jov widder Fesch.
Un dann en de Disco, wä setz do am Desch?
Die Mädche vum Käjelclub "Drieß op die Kall"
Us Neppes, Jung die kenne mer all.
Nohm fuffzehnte Danz hät d´r Jupp widder Ping
Un rührt all sing Pille en et Bier met eren.
D´r Franz määt op Liebe, en Witwe us Prüm,
dä hammer em Fluchzeuch eets widder jesinn.

Buenos días, Matthias, mer sin widder do…...

Schwemme wor keiner, dofür blevv kein Zick.
De Nas es zwar rut, ävver brung simmer nit.
Doheim aanjekumme denk´ jedermann:
"Et jrösste usser Kölle es un bliev dä Ballermann!"

Buenos días, Matthias, mer sin widder do…...