Lieder mit Text, Melodie und Noten

Am Samstag wor widder ens Danz aanjesaa
un jeder, de kunt, wor dobei.
Die Müllers, die Meiers, die Lehmanns, dä Schmitz
us Neppes sujar Onkel Hein.
De Musik, jo die wor ald öm zehn Uhr blau
un op einmol saat dann d’r Weet:
"Och Rita kumm loss mer ens danze jonn,
ens luure, ov et immer noch jeht.“

Refrain:
Am Eigelstein es Musik – am Eigelstein es Danz.
Jo da pack dat decke Rita däm Fridolin…
am Eigelstein es Musik – am Eigelstein es Danz.
Jo da pack dat decke Rita däm Fridolin am - Trallalalalalala

Jetz kom och dä Heinrich su richtig en Form
vorbei woren all sing Ping
Un hä saat: "Man müsste noch mal …“
Jo do feel em de Brill en d’r Wing
Et Höhneraug’s Cilli dat danzte mem Jupp
su wie fröher met Schwung durch d’r Saal.
Un Rudi der Geiger o dä stemmte jrad an,
dä Tango Kriminal.

Doch öm vier en d’r Fröh kom et Abschiedsleed
selvs d’r Weet jo dä kunnt nit mih stonn.
Immer dann wenn et gerade am schönste es
saat dä Hein "jo dann soll mer och jonn“