die Liederkiste die Liederkiste die Liederkiste

Lieder mit Text, Melodie und kostenlosen Noten

Brings: Wenn et funk

Brings - www.brings.de

Liedtext

Mingen Weet hät Schluss jemaat un setz mich vör de Dür.
Et wor och Zick, noh Hus ze jon, doch ich hat noch jet vör.
Die Stadt wor längs am schloofe, doch ich, ich kannt en Bar,
wo se sich naks troofe, un se woren och all schon do.

Brave Lück wie ich un do total vun d'r Roll,
Zoesch han ich et nit jegläuv, sujar dä Prinz wor voll.
Op Desch un Stöhl am Danze, die Musik superlaut
Un plötzlich us dem Janze springk an minge Hals su'n Funkebraut.

Refrain:
Denn wenn et eimol nor funk, is et zo spät.
Dann weed jedanz, bis ja nix mieh jeit.
Dann jit et voll op die Mötz, bes zom Äschekrütz
Voll op die Mütz, bes zom Äschekrütz.

Danze un so dun, als ob mir dat ja nix määt.
Hin un widder froch ich ens, wie et dir dann jeit.
Et dät dann nor koot laache: Jung, kumm drink ne Schluck,
Am Mittwoch kannste schloofe dann häs do Paus jenoch.

- Refrain -

Langer Rede kurzer Sinn: Ich wor mittendrin,
Frau Marie in mingem Ärm, froch mich nit woröm.
Ming Fööß die däten krieche, ming Bein so schwer wie Blei,
Kein Chance, denn mi Marieche wor noch ziemlich jot dobei.

- Refrain -

Denn wenn et eimol nor funk, is et zo spät,
Dann weed jedanz, bis ja nix mieh jeit.
Dann jit et voll op die Mötz, bes zom Äschekrütz,
Voll op die Mütz, bes zom Äschekrütz.

Zurück zum Anfang

Kostenlose Noten

Melodie

Siehe auch:

Zurück zum Anfang
Hinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.