die Liederkiste die Liederkiste die Liederkiste

Lieder mit Text, Melodie und kostenlosen Noten

Willi Ostermann: Kutt erop! Kutt erop! Kutt erop!

Willi Ostermann (1876-1936) war ein deutscher Komponist, Schlager- und Krätzchensänger.

Liedtext

1. Wat es dat? Wat es loss en der Achterstroß,
'ne Knubbel Minsche steiht
un wat do vör sich geiht, kein Deuvel weiß Bescheid.
Alles es verschreck, jeder frög wie jeck,
wo kütt dä Rauch blos her.
Un paar Minutte drop, do woss ald jeder dat Malheur.
Em drette Stock am Finster steiht
en Frau die wink un schreit:

Refrain:
Kutt erop! Kutt erop! Kutt erop!
Bei Palms do es de Pief verstopp.
Et hät die ärm Frau Palm,
die ganze Stuff voll Qualm.
Kutt erop! Kutt erop! Kutt erop!
Bei Palms do es de Pief verstopp.
Et hät die ärm Frau Palm,
die ganze Stuff voll Qualm.

2.Alles läuf un rennt, jeder schreit: Et brennt!
Et qualmp ald immer mih,
vör Neugier wie noch nie loot alles en de Hüh.
Vun däm Rauch wie en Katz kolleraveschwatz
die Lück sin op der Stroß.
Als hätten se der ganzen Dag em Dreck eröm geros.
Un zweschendurch en einer Tour
Do hööt mer schreie nor!

-Refrain-

3. Mer sich denke kunnt, en ner Veedelstund,
de Feuerwehr wor do,
die soch dä Ovve och un jetz ich sage jo.
Dat dat kumme sollt, wore Kinder schold,
wat han di sich gefraut.
Die hatte drei paar naaße Söck, höösch en de Pief gedaut.
Un immer hoot mer dat Geschrei,
ovschon et lang vörbei:

-Refrain-

Zurück zum Anfang
Hinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.