die Liederkiste die Liederkiste die Liederkiste

Lieder mit Text, Melodie und kostenlosen Noten

Kasalla: Home es wo d'r Dom es

Kasalla - www.kasallamusik.de

Liedtext

600 Kilometer fott vun dem wat Heimat es,
ich fahr de janze Naach bes ich ding Spitze sinn.
Wieße Striefe om Asphalt,
dä Kaffee weed kalt,
de Musik lauter, ich ben aanjeschnallt

600 Kilometer bes ich widder odme kann,
ich maach et Navi us, d'r Wääch fing ich allein.
Blaue Schilder, wieße Schriff,
ming Kess es e Schiff,
volle Kraff et Ruder fess em Jriff

Un he die Stross jeiht immer nur jraadus,
irjendwann rääts aff un dann es Schluss.
Ding Leuchte en d'r Naach, dat jeiht nie us,
säät ich ben zo Hus.

Un dann jeiht jraad de Sonn op hell un klor,
ich fahr övver de Zoobrück un ben do.
Fenster runger kölsche Luff,
ich sing: "Home es wo d'r Dom es." (4x)

Wör dat New York, dann wööds du de Freiheitsstatue sinn.
Ejal woher mer kütt, mer süht wohin et jeiht.
Du bes die Richtung un dat Ziel,
dat Krüz op d'r Kaat,
wenn ich dich sinn, dann kumm ich endlich aan.

600 Kilometer fott vun dem wat Heimat es,
ich fahr de janze Naach bes ich ding Spitze sinn.
Wieße Striefe in der Naach,
dat Leech hält mich waach,
und ich fahr wigger Richtung neue Daach.

Un he die Stross jeiht immer nur jraadus,
irjendwann rääts aff un dann es Schluss.
Ding Leuchte en d'r Naach, dat jeiht nie us,
säät ich ben zo Hus.

Un dann jeiht jraad de Sonn op hell un klor,
ich fahr övver de Zoobrück un ben do.
vun dem Bleck krich ich nie jenoch,
ich sing: "Home es wo d'r Dom es." (4x)

Du steihs do, wo ich hinjehür,
wo ich de janze Naach dorchfahr für,
ich kumm immer widder zoröck zo dir.
hey - hey
Un dann jeiht jraad de Sonn op hell un klor,
ich fahr övver de Zoobrück un ben do,
vun dem Bleck krich ich nie jenoch,
ich sing: "Home es wo d'r Dom es."

Zurück zum Anfang

Kostenlose Noten

Melodie


Siehe auch:

Zurück zum Anfang
Hinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.