die Liederkiste die Liederkiste die Liederkiste

Lieder mit Text, Melodie und kostenlosen Noten

Hiaz is der rauhe Winter da

Weihnachtslied, Hirtenlied aus der Steiermark
1881 von Anton Schlossar in 'Deutsche Volkslieder aus Steiermark', sowie von Wilhelm Pailler in 'Weihnachtslieder aus Oberösterreich', veröffentlicht.

Liedtext

1. Hiaz is der rauhe Winter då,
den siacht ma umadum,
in Bergen sengt der Reimfrost her,
im Gråbn då scheint ka Sunn.
Ma hört ka Vogerl pfeifn,
ma siacht ka Blattl Klee,
ka Brentlglockn läutn,
ka Gamserl auf da Höh.

2. Mei, wås soll dås bedeutn,
dåß s' heut um Mitternåcht
mit der Sturmglockn läutn,
håt a Engl a Botschåft bråcht.
Messias soll geboren sein,
kommt aus dem Paradeis,
sei Muatter soll a Jungfrau sein,
dös war amål wås Neus.

3. Viel Glück, meine Hirtn,
seids munter und wåcht,
ihr derfts enk net fürchtn,
wånns glei is Mitternåcht.
Ihr håbts jå vernommen
die englische Stimm,
stehts auf und gehts eilends
nåch Bethlehem hin.

4. Bua Riapl, steh fein lifti auf
und nimm an lången Såck
und fåß ihn voll von Federn ån,
daß 's Kind an Polster håt;
dås Hascherl möcht derfriasn,
liegt auf dem sauern Heu,
ka Gwanderl und ka Wiagerl,
dås is a Bettlerei.

5. Bua Hansl, måch di nur gschwind auf
und nimm dein Hirtenståb
und suach dir gschwind zwoa Lamperl aus,
dåß du an Opfer håst;
a Loaberl Kas und Butter, dazua a Gerstnbrot,
dås måg dås Kind net beißn,
weils koane Zahnderl håt.

6. Und wånn i amål sollt reicher werdn,
åft werd i wieder kemm,
Åft werd i dir a Ganserl bring,
is besser wiar a Henn.
O Jesu, liebster Jesu mein,
veråcht nicht meine Gåb!
I hätt dir gern wås Bessers bråcht,
du woaßt, dåss i nix håb.

Zurück zum Anfang

Kostenlose Noten

Hiaz is der rauhe Winter da, NotenHiaz is der rauhe Winter da, NotenHiaz is der rauhe Winter da, Noten

Melodie

  • Kostenloses Mp3 (Gesang) anhören
    Quelle: www.schuetzenhoefer.steiermark.at
  • Video (Rainbacher Dreigesang)

Siehe auch:

Zurück zum Anfang
Hinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.