BAP: Deshalv spill mer he

BAP - www.bap.de

Liedtext Melodie Noten

Liedtext

Refrain:
He du do - un du - wann ess et he su wigg,
Dat mer de Muhl opmaache darf, wemmer jet saare will,
weet höchste Zick,
dat die Versteckspill-Rejel niemieh interessiere,
't weiß jeder längs, wat üch un uns bedroht
un wer't noch nit weiß, soll et endlich hühre,
dat woll mer fiere - grenzenlos.

Kütt ruisch nöher un hührt zo,
die drei Strophe he sinn janz speziell für üch.
Worümm mer he sinn, ess womöglich nit janz klar,
su wie't och secher ess, dat ei Leed nit jenüsch,
öm all die Vorurteile affzebaue, die sick drissisch Johr
vun Kahle Kreejer huhjeschätz en Ost un West,
weil't ess schön simpel, wenn och jrausam, wemmer alles wie bisher
en e schwazz weiß un gut un böse Schema presst
Wie off schon hann se üch un uns domet beloore,
die Angs jeschürt en Bundeswehr un Volksarmee,
uns wo't jing öm jed Jemeinsamkeit bedroore?
Domet dat ahnfäng opzehühre spill' mer he.

Wo mir herkumme weet et kälder Daach für Daach,
't sinn Pharisäer, die sich Christe nenne, draan,
doch wer sich wie nennt ess bekanntlich jo su'n Saach,
loss uns nur Minsche sinn, ob Frau, ob Kind, ob Mann.
Mer spille he, öm üch ze treffe, selvs ze spüre, wat he loss ess,
Hann uns eijene un kein jespaldne Zung,
sinn nit op Beifall uss der falsche Eck scharf, nä, mer wolle bloß
beim Klartext blieve, ohne jed Beschönijung.
Mer sinn jespannt op jede Schwester, jede Brooder
Vum Erzjebirge huh bess zur Ostsee,
vun Eisenach bess Frankfurt ahn der Oder,
Mir freu'n uns wie bekloppt un deshalv spill' mer he.

Un nochnet, falls et nit schon ohnehin bekannt,
dat ahn die Klique, die sich "Volksvertreter" nennt:
Uns kritt ihr vüür kein offizielle Kahr jespannt,
he, wo jet andres unger unsre Näjel brennt,
denn mir hann Frönde he, die hann kein weiße Duuv op blauem Grund,
die hann ne Schmied, dä mäht e Schwert jraad zo nem Plooch,
en SS 20 zo nem Traktor un en Pershing zo ner Lok,
die hann vum Rüstungsschwachsinn su wie mir jenooch,
't sinn Pazifiste ohne wenn und aber,
ohne Hingerdühr, die saare "Nä",
die hann - wie mir - die Naas voll vun dämm janze Laber,
janz besonders für uns Frönde spill' mer he.

Melodie (Midi, Mp3 und/oder Video)

MP3 bei Amazon - Streamen oder Download

Noten

Noten urheberrechtlich geschützt

Kostenlose Notenblätter

können aus urheberrechtlichen Gründen nicht zur Verfügung gestellt werden.

Bei Amazon bestellen: BAP - Für Gitarre: Alle Texte und Griffe von der ersten bis zur Live LP

Kostenloser Songtext als PDF

Hinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.

Die Aufführungsrechte werden allein durch das Urheberrecht geregelt, sie können nicht aus der Veröffentlichung im Archiv abgeleitet werden. Sofern auf bestehende Notenblätter und Partituren externer Seiten verlinkt oder diese eingebunden wurden, ist jeweils die Quelle angegeben und es wird gebeten, sich dort über die Nutzungsbestimmungen der Rechtsinhaber zu informieren.

Manche der älteren Lieder enthalten Wörter und Darstellungen, die in der heutigen Zeit als beleidigend oder rassistisch gelten. Die Liederkiste unterstützt diese Ausdrücke nicht, möchte jedoch das Liedgut im Orginal bewahren, Dokumente einer Zeit mit anderen Einstellungen, Perspektiven und Überzeugungen.