Kasalla: Der Fluss
Kölsch-Rock - Text und Melodie: Kasalla
Homepage der Band: www.kasalla.koeln
Liedtext
Millione Liter pro Sekund,
dreienhalf Meter bes zom Jrund,
du läufs un läufs, läufs niemols leer.
Vun de Alpe bes nohm Meer,
an d'r quell ne Baach, bei uns ene Strom
un dausendmol älder wie dä Dom.
Du deilst ming Stadt in jot un schäl,
un jiss ene Driss op unsere Pejel.
Weed et dir zo eng küss du an Land,
un brings uns Möwe met vum Strand.
Eine Wind dä weht, ein Hätz dat schlät,
ein Land dat dinge Name dräht.
Dich hält nix op ov Stein ov Stahl,
un eijentlich sin mir dir scheissejal.
Ejal ov et räänt, ejal ov et schneit,
ejal ov mer kriesch oder ov mer sich freut,
du määs einfach wigger, su ejal wat passeet
ejal ov et räänt ejal ov et schneit.
Och wenn mer am Rad drieht, du tricks einfach vörbei.
Ejal ov der Dom noch steiht,
du määs wigger esu als wör nix passeet.
Millione Monde wie hück Naach,
jenau wie du, ben ich noch waach,
en Fläsch, ne Zeddel, ne Wunsch noh Jlöck
werf ich in Müllem vun d'r Bröck.
Du nimms en met bes Rotterdam
un rotz en in dä Ozean.
Un och an mingem letzte Daach
häls du nit aan, nor weil ich de knöpp zo maach.
Ejal ov et räänt, ejal ov et schneit,
ejal ov mer kriesch oder ov mer sich freut,
du määs einfach wigger, su ejal wat passeet
ejal ov et räänt ejal ov et schneit.
Och wenn mer am Rad drieht, du tricks einfach vörbei.
Un selvs wenn d'r Dom affbrennt,
du määs wigger esu, als wör nix passeet,
esu als wenn et dich nix anjeiht.
Ejal ov et räänt, ejal ov et schneit,
ejal ov mer kriesch oder ov mer sich freut,
du määs einfach wigger, su ejal wat passeet
ejal ov et räänt ejal ov et schneit.
Och wenn mer am Rad drieht, du tricks einfach vörbei.
Un wenn de janze Stadt en Flamme steiht,
du määs einfach wigger esu, als wör nix passeet,
als wör nix passeet,
övverhaup nix passeet.
Melodie (Midi, Mp3 und/oder Video)
MP3 bei Amazon - Streamen oder DownloadNoten
Kostenlose Notenblätter
können aus urheberrechtlichen Gründen nicht zur Verfügung gestellt werden.
Bei Amazon bestellen: Kölsche Tön he am Rhing: 21 Kölsche Lieder - Noten und Texte bearbeitet für Klavier, Gitarre & Gesang
Kostenloser Songtext als PDFHinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.
Die Aufführungsrechte werden allein durch das Urheberrecht geregelt, sie können nicht aus der Veröffentlichung im Archiv abgeleitet werden. Sofern auf bestehende Notenblätter und Partituren externer Seiten verlinkt oder diese eingebunden wurden, ist jeweils die Quelle angegeben und es wird gebeten, sich dort über die Nutzungsbestimmungen der Rechtsinhaber zu informieren.
Manche der älteren Lieder enthalten Wörter und Darstellungen, die in der heutigen Zeit als beleidigend oder rassistisch gelten. Die Liederkiste unterstützt diese Ausdrücke nicht, möchte jedoch das Liedgut im Orginal bewahren, Dokumente einer Zeit mit anderen Einstellungen, Perspektiven und Überzeugungen.