BAP: Stell dir vüür

Video

MP3 Noten

Liedtext

1. Stell dir vüür, do wöörs em Wald un hätts en Axt bei.
Stell dir vüür, ding Frau wöör och dobei.
Stell dir vüür, ne Kääl köhm, jöhv ihr Schokolädche,
tröök e Mezz eruss un jing ihr ahn de Bein.
Jo, wat däätste dann,
däätste maache Mann ?
Saach mer, weehrste dich,
oder leetzte dann ding Frau em Stech ?

2. Erstens nöhm ich mir ens flöck dat Schokolädche.
Zweitens däät ich waade, bess hä fäädisch wöör.
Drittens künnt ich en dä Zick paar Christbäum schlaare.
Viertens köhm vielleich do optisch jet bei römm.
Fünftens däät ich dann
ens ein rauche Mann.
Sextens, suwiesu,
wöör ich se quit un dann wöhr ich fruh.

3. Stell dir vüür, do jings spaziere op der Huhstrooß.
unger dingem Ärm häätste e M.G.
Stell dir vüür, do leef op eimohl einer Amok,
ballert en de Lück met enem Jewehr.
Jo, wat däätste dann,
däätste maache Mann ?
Saach mer, weehrste dich,
Oder leetzte dann ding Lück em Stech ?

4. Eeztens jing ich dann ens flöck nohm "Foto Porst" renn,
für en neu Kasett für ming Polaroid.
Zweitens däät ich dann de Bildzeidung ahnroofe
für 'ne Exklusivbericht op Seite eins,
drittens däät ich dann och ens laade, Mann,
viertens frank un frei triff einer nit esu vill wie zwei.

5. Stell dir vüür, do sitz doheim en dingem Jaade,
nevven dir do stünd e Flugabwehrjeschütz,
bovven en der Luff, do köhm e russisch Fluchzeuch,
dat will en H-Bomb schmieße, eh et sich verdröck.
Jo, wat däätste dann? Däätste maache Mann?
Saach mer, wehrste dich?
Oder leetzte dann ding Stadt em Stech?

6. Ich jläuf, do däät ich eez e Stündche drövver schloofe,
dann reef ich ming Fründe ahn, noh der Reih:
"Saat Männ, künnt ihr mir ens jraad ming Kanon ahnschiebe helfe?"
un dann köhm ich he bei dä Kommission vorbei.
Kreiswehrersatzamt wööt dann ömjelapp
un et wöör vorbei met dä affjewichste Frorerei.

>> Zur Druckansicht (nur Text)

Schlager & Chansons S back up next Weitere Lieder von BAP

Hinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.