Lieder mit Text, Melodie und Noten

1. Regen, Regen drus',
wi sitt hier warm in Hus!
De Vageln sitt in Born to kurn,
de Köh de stat an Wall to schurn:
Regen, Regen drus',
wi sitt hier warm in Hus.

2. Regen, Regen rusch,
wat rükt dat ut den Busch!
De Bom, de hangt so schlapri dal,
de Bom, de röhrt de Bläd ni mol?
Regen, Regen rusch,
wat rükt dat ut den Busch!

3. Regen, Regen sus,
von baben op uns Hus!
Vunt Dack hendal in striken Strom
un lisen ut den Eschenbom:
Regen, Regen sus,
von baben op uns Hus!

4. Regen, Regen rull,
bet alle Gröben vull!
Denn lat de Wulken öwergan,
lat de Sünn wedderkam.
Regen, Regen rull,
bet alle Gröben vull!