Op demm Wäch in de Stadt Op dä schöne Promenad Soh ich ne Mann un dä kom wohl grad eeets ahn. Schwatze Hoor - ahle Jack Pappkarton un ne Sack En demm wore wohl sing janze Saache dren. Hä bliet ston - luurt mich ahn Weiss nit wo he hinjehüürt Un sing Auge die stelle mir die Frog:
Refrain: Wann jeiht dr Himmel uch för mich widder op Wann jeiht dr Himmel widder op ? Wann schingk de Sonn ens widder - Simmer denn nit all he Bröder? Wann jeiht dr Himmel widder op?
Op demm Wäch in de Stadt Op dä schöne Promenad Wod mir klor: Mer han vell zo lang jewaadt! övverall die Nazi-Sprüch Die nackte Angs' hätt mich erwisch' Mir hann vell zo lang de Muul nit opjemaat! Braune Wolke' övverm Land Jestern David hück dä Asylant Un alle stelle uns dieselve Frog: - Refrain -
Zurück zur Übersicht
Zur Druckversion (nur Text)
Hinweis:
Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungsen verstoßen, wird um Mitteilung gebeten, damit diese unverzüglich entfernt werden kann.
