... wahrscheinlich das beste kostenlose Online-Liederbuch

Das Camping-Lied

Liedtext: Karl Berbuer

Refrain:
Do laachs do dich kapott, dat nennt mer Cämping.
Doch laachs do dich kapott, dat fingk mer schön.
Wenn em Zelt de Mökke un de Hummele dich verjökke,
un do kanns dann nit eraus em Rähn.
Wenn em Zelt de Mökke un de Hummele dich verjökke,
un do kanns dann nit eraus em Rähn.

1. Flöck dä Rucksack engepack, es dat neue Zelt em Sack?
Mamm, mer wolle all jet en Erholung gon.
Kochgescherr, wat söns noch all, uns Kanaljemöschtigall,
nemm se met, dä Kammerpott loss ston.
Un et rähnte wie en Bies, doch em Sölztal op ´ner Wies
loje Schmitzens jitz em Zelt bei Mutter Grön.
Weil die eschte Naach ald doll un de Mamm de Nas ald voll,
säht d´r Papp, dä´t god gemeint hat: "Häss do Tön“.

2.Hasche mich en Höppekrat, höppten op dem Schmitz sing Plaat.
Mamm, do häß ´ne Käffer em "Enkeur de Bleck“.
Die Invasion em Zelt, nit erwünsch un angemeld,
wor zwor fies, doch wor de Langwiel weg.
Un et rähnte wie en Bies, doch de Mamm un och et Nies
hatten Jöck un wollten en d´r Bach erenn.
"Mutti“, sät et Nies, "pass auf, tritt nit in dä Ameishauf!“
Schrumm do soss sei ald met ehrem Bretzel drenn.

3. Weil dä Schäng die Dhiercher satt, schlog hä sei mem Knöppel platt.
Dat hät nix genotz, et komen immer mieh.
Denn wenn ein dobei krepeet, han ´ner fuffzig konduleet.
Un zom Schlofe kome Schmitzens nie.
Un et rähnte wie en Bies en de Zupp un op d´r Kies
un de Wespen han sich em Kompott gezänk.
Plötzlich bei ´nem Sturm, oh Gott, ref de Mamm: "Et Zelt flügg fott!
Och wie herrlich, uns Erholung eß am Engk.“

Video

Zurück zur Übersicht

Zur Druckversion (nur Text)