Blaison du beau tétin

Text: Clément Marot - Melodie: Clément Janequin

Kostenlose Noten

Melodie

Mp3 Buchempfehlung:

Liedtext

Tetin refaict, plus blanc qu'un oeuf
Tetin de satin blanc tout neuf
Tetin qui fait honte à la rose
Tetin plus beau que nulle chose
Tetin dur, non pas Tetin, voyre
Mais petite boule d'Ivoire
Au milieu duquel est assise
Une fraize ou une cerise

Que nul ne voit, ne touche aussi
Mais je gaige qu'il est ainsi
Tetin donc au petit bout rouge
Tetin qui jamais ne se bouge
Soit pour venir, soit pour aller
Soit pour courir, soit pour baller
Tetin gauche, tetin mignon
Tousjours loing de son compaignon

Tetin qui porte temoignaige
Du demourant du personnage
Quand on te voit il vient à mainctz
Une envie dedans les mains
De te taster, de te tenir
Mais il se faut bien contenir
D'en approcher, bon gré ma vie
Car il viendroit une aultre envie

O tetin ni grand ni petit
Tetin meur, tetin d'appetit,
Tetin qui nuict et jour criez
Mariez moy tost, mariez
A bon droict heureux on dira
Celluy qui de laict t'emplira,
Faisant d'un tetin de pucelle
Tetin de femme entiere et belle.

Französische Lieder back up next Blow Boys, Blow

Hinweis: Diese Seite stellt eine Basisinformation dar. Sie wird routinemäßig aktualisiert. Eine Gewähr für die Richtigkeit und Vollständigkeit der Angaben kann nicht übernommen werden. Sollte eine Datei gegen Urheberrechtsbestimmungen verstoßen, wird um Mitteilung gebeten, damit diese unverzüglich entfernt werden kann.